Дни памяти: 4/17 июля

Тропарь, глас 8

Яко благоверен и праведен, /
за любовь Христа Бога от своих
смерть приял еси, /
кровь свою пролияв, /
яко же прежде сродницы твои и страстотерпцы Борис и Глеб, /
ихже крóвем совопиéт и твоя кровь, святе,
к Богу, /
якоже Авеля и Захарии праведных, /
благоверный страстотерпче,
великий княже Андрее, /
с нимиже Христа Бога моли о стране нашей,
еже Богоугодней быти /
и сыновом российским спастися.

Кондак, глас 8

В мире сем благочестно и праведно пожив, /
молитвою, милостынею и благостраданием Богу угодил еси. /
Сего ради и Бог по убиении твоем прослави тя нетлением и чудесы, /
Егоже, святе Андрее, моли сохранити отечество твое /
и всех людей, благочестно тебе почитающих.

Ин Тропарь, глас 3

Еже во плоти житию твоему удивишася ангельстии чини: /
како с телом к невидимым сплетением изшéл еси, преславне,/
и уязвил еси дéмонския полкú. /
Отонудуже, Андрее, Христос тебе воздадé богатыми даровáньми, /
сего ради, отче, моли спастися душам нашим.

Величание

Величаем тя, / благоверный великий княже Андрее, /
и чтим святую память твою, /
ты бо молиши за нас / Христа Бога нашего.

на страницу МОЩЕВИК

на ГЛАВНУЮ СТРАНИЦУ